Katër persona të mitur janë arrestuar dje në Mitrovicë të dyshuar për posedim të substancave narkotike, raporton Policia e Kosovës.

Sipas Policisë, gjatë kontrollit në veturë janë konfiskuar një pistoletë, katër fishekë cal-7.65 mm, 19-fishekë cal-9 mm, një thikë, një mulli për bluarjen e substancave narkotike dhe një kuti për mbajtjen e substancave narkotike.

Të dyshuarit pas intervistimit janë liruar në procedurë të rregullt.

“Mitrovicë  09.01.2023 – 04:35. Njësitet policore kanë ndaluar veturën në të cilën ishin katër persona të mitur,  ku gjatë kontrollit (në veturë) kanë konfiskuar një pistoletë me një karikator, katër fishekë cal-7.65 mm, 19-fishekë cal-9 mm, një thikë, një mulli për bluarjen e substancave narkotike dhe një kuti për mbajtjen e substancave narkotike. Në konsultim me prokurorin, të dyshuarit pas intervistimit janë liruar në procedurë të rregullt”, thuhet në raportin e PK./arbresh.info/